Kryetari i SBASHK, Rrahman Jasharaj, ka demantuar lajmet se janë tërhequr nga kërkesa kryesore për shtesën prej 100 eurosh.
Jasharaj për arbresh.info tha se mbase është keqkuptuar letra kthyese e SBASHK0ut drejtuar Avokatit të Popullit.
“Mbase ndonjë media pa qëllim, letrën kthyese që SBASHK-u i ka dërguar Avokatit të Popullit. Sepse unë isha nga Këshilli Grevist i BSPK-së, i vizitova kolegët e mi, të cilët në informuan se kanë bërë një shkresë kthyese m e një grup punues. Mbase mund t ë jetë lexuar gabimisht, por ajo që di është se as SBASHK-u, as shërbyesit civil, gjegjësisht këto dy sindikata në kuadër të BSPK-së që po mbajnë grevë, nuk janë tërhequr nga asnjë kërkesë”, tha Jasharaj për arbresh.info.
Ani pse Avokati i Popullit sipas tij, kishte deklaruar se sot do ketë marrëveshje, një gjë e tillë nuk ka ndodhur, madje sipas tij, nuk ka pasur asnjë thirrje, as nga Avokati i Popullit, e as nga Qeveria e Kosovës,
“Ai thotë se Avokati i Popullit me emocione dhe me një optimizëm të ngutshëm kishte deklaruar se sot do të ketë marrëveshje, e unë po ju them me plotë përgjegjësi, jo që s’patëm takim, por asnjë telefonatë, as nga ai e as nga qeveria. Mund të jetë keqkuptuar ndonjë rresht në letrën kthyese, në përpilimin e së cilës unë nuk kam marrë pjesë, por jam nënshkruar si kryetar i SBASHK-ut”, u shpreh ai.
Ai tregoi se SBASHK-u ka ofruar një version të ri karshi shumës 50 euro që ka ofruar qeveria.
“Me plotë përgjegjësi e them se nuk është e vërtet se jemi tërhequr nga asnjëra prej kërkesave. SBASHK-u ka ofruar një version të ri karshi asaj 50 euro shtesë nga pakoja, qeveria t’ia shtojë edhe përqindjen e ngritjes ekonomike të këtij viti dhe atë përqindjen e inflacionit. Pra, nuk kemi tërheqje nga kërkesa, nuk ka pasur asnjë takim dhe po e them prapë, para mediave është shpallur greva dhe para tyre do të mbyllet”, u shpreh Jasharaj. /arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite